Kaupapa: Business

Aotearoa prepares to host World Indigenous Business Forum

Mere McLean
  • Waikato/Te Waiariki

Ko tōna rima rau ngā pākihi iwi taketake ka whakakanohi i ngā whenua rua tekau mā rima neke atu ki Rotorua a te Whiringa ā Nuku. Ko Andrew Carrier o Te Kāhui Pakihi Iwi Taketake o te Ao kei Aotearoa nei i tēnei wā e whakatikatika ana mō taua huihuingā ā-ao.   

Mā te mihi ki te whenua, ka whai hononga a Andrew Carrier ki ngā iwi taketake katoa o te ao.   

“He ao whānui tēnei, e tāea ai tātau te hono, ā, koinei wā tātau mahi.”

Hei tē Whiringa ā nuku ka tū te hui a te kāhui pakihi Iwi Taketake o te ao ki Aotearoa, he kaupapa kua tū ki ngā wāhi pēnei i te āporo nui, Hawai'i me Chile. 

Hei tā te Kaikōrero o Te Ohu Whai Ao a Richard Tauehe Jefferies, “Kei te timata te puawai mai o ngā kaipākihi tāngata whenua puta noa i te ao.”

E ai ki a Carrier, “Me whakanui i o tātau mahi ma te hapai i ngā iwi taketake, hapori iwi taketake hoki.”

Nō tērā tau, kotahi mano, kotahi rau ngā pakihi Māori i ara ake.  E ai ki ngā tatauranga o te tari hīkina whakatūtuki, whā piriona tāra te wāriu o a tātau pakihi Māori.  Hei tō Richard Jefferies ma tēnei huinga e kotahi ai, e hono ai i a tātau ki ngā whanaunga iwi taketake

Hei tā Jefferies, “He rite tonu ngā wāriu, ahua rite tonu ngā tikanga o tēnā iwi, o tēnā iwi.  Nō reira kei reira anō tētahi huarahi pai mo tātau.”

Nō te tau rua mano tekau i tīmata te kāhui pakihi Iwi Taketake o te ao, koinei te wā tuatahi ka tae mai rātou ki roto o Aotearoa, ā, ka whakahaerehia to rātou hui ki konei, ki te whare tapere o Rotorua.

Link - http://wibf.ca/registration/