Aotearoa ambassadors Ōpōtiki Mai Tawhiti off to Taiwan

Mere McLean
  • Te Tai Rāwhiti

Hei tērā marama ka whakakanohi te kapa haka o Ōpōtiki Mai Tawhiti i a Aotearoa ki te taiopenga iwi taketakeTe Howkan ki Taiwan.  Ko te kaupapa nui ko te whakatairanga i te ahurea o ngā iwi taketake huri noa i te ao. 

Kei te hari koa ēnei mema o Ōpōtiki Mai Tawhiti na te mea ka haere rātou te taone matua o te whenua o Taiwan hei tēnei marama. 

“Ko te koki pūtea te mea nui, ā, e haere ana mātou hei kanohi mo Te Matatini, otira te ao Māori ki roto o Taiwan.  Ki te whakanui i te kaupapa rā te Howkan Global indigenous people's arts festival,” hei tā Thomas Mitai.

Ko ngā pūtea ka kohia mai konei ka riro ki ngā kaihaka.  Kua tae anō tēnei rōpū ki ētahi taiopenga mo Aotearoa ki tāwāhi.

E ai ki a Mitai, “I tae mātou ki te taha o Te Whānau a Apanui otira ki roto i ngā kaupapa mo te Edinburgh military tattoo, ā, i tū ki Poipiripiri, otira ki to Pōneke, i tae te nuinga o mātou o Ōpotiki mai Tawhiti ki reira.”

Nō te tau kotahi mano, iwa rau, iwa tekau mā rima tū ai te rōpū kapa haka o Ōpōtiki Mai Tawhiti mo ngā hapū o Te Whakatōhea.  Nō tērā tau i tae tuarua mai rātou i te taha o Te Mātārae I Ōrehu ki Te Matatini.  

“Miharo rawa atu kua tēnei rōpū hei i tēnei haerenga, mihi rawa atu ki Te Matatini he whakaaro rangatira kia haere mātou nō te mea,” hei tā Mitai.

Tekau mā rua ngā kaihaka ka wehe mai i a Aotearoa mo Taiwan hei te rua tekau mā rima o tēnei mārama ka hoki mai hei te tekau o Here Turi Kōkā.