Kaupapa: Christmas

Anō nei, ko Hana Koko te Mīhana o Te Whanganui a Tara

  • Te Whanganui-ā-Tara

I tēnei tau, he taonga motuhake ano kei te Mīhana o Te Whanganui a Tara hei hiki i te wairua o ngā whānau e pokea ana e te taumahatanga.

Ko Michelle Braney tētahi o ngā kaiāwhina e whakatairanga i te wairua o te Kirihimete mō te hunga hia āwhina.

Kua whakaemitia e tōna tira ngā pouaka whā rau mō ēnā whānau, ko ngā kai, ngā momo taonga mō te kirihimete kei aua pouaka.

Nō tēnei wiki ka puta te rīpoata a te Kaikomihana Tamariki, a Takuta Russel Wills, ko Ngāi Māori tonu te iwi e kaha pokea ana e te rawakore.  Ā, ko te manako ma ngā mahi a ngā ohu pēnei e māmā ake ai aua taumahatanga.

Hei tā, Percy Robertson, “He maha ngā ohu i hōmai ngā koha, ngā taonga tākaro, ngā kai aha rānei kia pai ai ngā whānau mō te kirihimete, arā mō te tau hōu.”

E rua wiki e toe ana ki te kirihimete, ā, kua tīmata ke a Michelle me tana tira kaiāwhina ki te tohatoha haere i ēnei taonga motuhake, heoi, e karanga tonu ana rātou ki te iwi ki te takoha taonga mai.

Ko te tūmanako mā ēnei mahi e harikoa ai ngā whānau rawakore i te rā o te kirihimete.