Ae, kao rānei ki te hunga horoi matapihi waka

Heeni Brown
  • Tāmaki Makaurau

Ko ngā whakamārama a Te Kaunihera o Tāmaki Makaurau, ko te whakawhitinga rori matua o Cavendish ki Tāmaki Makaurau tētahi wāhi kua kitea ai te kaihoroi waka e takahi ana i te ture e mea ana, he poka ture te horoi matapihi mēnā he āhua whakatuma, whakahōhā ana, aukati waka rānei.

Nāreira i puta atu tā mātou karere a Heeni Brown ki te whai whakautu, mēnā rānei me taea tonu e ngā kaihoroi matapihi waka ki ngā rori. 

Kua kotahi tau nō te urutanga mai o tētahi ture ā-takiwā mō ngā mahi a te kaihoroi-motoka nei.

E mea ana a Mansell Dickson hei āpōpō ka tū a ia ki mua ki te aroaro o te Kōti, whai muri i tā ētahi āpiha a te Kaunihera tuku hāmene ki a ia mō tāna takahi i te ture.

Engari, pērā i a Adrian Tito, horekau anō te ture kia aukati i te huarahi i ā rātou mahi horoi matapihi.

Tā te kaunihera, tokorua ngā tāngata kua hamenetia. Ko te whaina i whakawhiwhia, he toru rau tāra.

A, iaianei na, e aruaru ana e te kaunihera i te tekau tāngata mō ta rātou aro kore ki te ture.

I ui i te Kaunihera pēnā rānei me kaha ake te ture, tā te Kaunihera, ka arotakengia a te mutunga o tēnei tau.