Aaradhna's soulful sounds brings warmth to City Mission

  • Tāmaki Makaurau

Hei te pō nei, ka tū te whakangahau kāmehameha e kī ana Neighbourhood Watch, mā te manu tīoriori i Aotearoa, mā Aaradhna, ki te āwhina i te Rōpū Whakaruruhau o Tāmaki Makaurau ki te manāki i te hunga pōkaikaha, i tēnei wā makariri.  Ka whai wāhi te marea ki te whakarongo mā te tākoha paraikete noaiho te utu.

Ka whai wāhi ngētehi tāngata o Tāmaki ki te whakarongo ki ngā waiata mai i te kopae pūoro hou nā tēnei toa whakaihuwaka i Aotearoa, ara nā Aaradhna, e kī ana ko Brown Girl, mō tētehi paraikete noaiho.

Ka tū te ngahau kamehameha nei ki te wharekarakia o Hato Matiu, I te Pokapū o Tāmaki Makaurau, ā, ka tākoha ngā paraikete ki te Rōpū Whakaruruhau o Tāmaki, kia whoatu ki te hunga pōkaikaha.

Ko tā Rōpū Whakaruruhau i Te Pokapū o Tāmaki, koatu i te rua rau rua tekau ngā tāngata e moe ana i runga i ngā tiriti i te pokapū o Tāmaki whānui.  I ngā tau e rua kua hipa, kua tokomaha ngā Māori e moe pēnei ana mai i te whā tekau mā rua ki te rima tekau mā toru ōrau.

E aio ki a Rev Helen Jacobi  no St Matthews City Mission, “There is a need for people to come to a concert bring blankets.  We wish we were in a world where that wasn't the case but, given the crisis in homelessness in Auckland at the moment, it's a wonderful thing to be able to support the event tonight.”

Ka tāea e tēnei whare whakamoemiti te whakaruruhau i ngā tāngata w hā rau te nui, wheoi, kua whakaritea ngā tūru mō ngā tāngata e toru rau, e ngā kaiwhakahaere e MaiFM.

Ka wātea te marea ki te hoko i te kopae pūoro hou a Brown Girl, ki roto i ngā toa ki runga ipurangi hoki āpōpō.