Kaupapa: Politics

$3m hei whakatū i tētahi whare whakamarumaru hou mā Waikato

Rukuwai Tipene-Allen
  • Waikato/Te Waiariki

He whare hou kua whakatuwhera i te rā nei ki roto o Waikato hei whakahaumaru i a te iwi i ngā wā o te ohotata ka mutu  ka taea te whakatika tōtika i ngā whakawhitinga kōrero ki waenganui i ngā rohenga o Waikato kia pai ngā whakamāramatanga. He mea mahi tahi nā Te Rākau Whakamarumaru o Waikato, te kaunihera o Kirikiriroa me te kaunihera ā rohe o Waikato. 

Kaare he mutunga  mai o ngā haukerekere a Tāwhirimatea ina te nui o ngā aituā,  ngā waipuke ki Pārāwai, te kore hiko ki Tāmaki, ngā rū whenua ki Kaikoura, ina kei ko te tumanako kei raro i te tuanui o tenei whare ka puta he whakautu. 

He toru miriona taara te putea ka whangaihia hei arai atu i tenei āhua. Hei tā Hugh Vercoe, ki te patu a Rūaumoko, ki te patu a Tāwhirimātea, ā wai atu raini ka ora tū tonu te whare.

Inā kua tata ki te kotahi wiki mai te wepua i Tamaki Makaurau e te hau tūpui e noho tonu ana i te pō, i te kore hiko, ā hei tā te minita e tika ana kia tiakina te Tūmatawhānui.
E hiahia ana te minita kia whai tūranga te Māori i ngā whakawhitinga kōrero.