297 ngā tatau matenga rori

Heeni Brown
  • Tāmaki Makaurau
  • Te Whanganui-ā-Tara

Me matāra ngā kaitaraiwa ki ngā rori runga i te whakaaro e kainamu mai nei ngā rangi whakatā o Reipa. 

Koinei te whakahau a ngā pirhimana i muri i ngā matenga waka aitua tekau ma toru te nui i roto i ngā hāora whitu tekau ma rua, e rua tekau anō ngā tāngata i whara kikino.

Tā Steve Greally mō ngā Pirihimana, ko tēnei te tatau mate kino rawa atu, kua kite nei ia i roto i ngā tau e rua me te hāwhe.

Tā te kaiwhakahaere i ngā rori, "Kei te āhua o te kaitarawa me te huarahi ka whāia e ia. Ko tā mātou ki a rātou, kia pōturi te haere."

I te wā nei, he rua rau iwa tekau mā whitu ngā mate ki ngā rori mō te tau, ā, hena kua tauritea ki tērā tau, he nui atu te tatau o tēnei tau, mā te whā tekau.

"He maha anō ngā take kua piki hāere ngā tatau matenga ki ngā rori i roto i ngā whā atau. Ko ngā tohu whakatere waka, ko ngā rori hou, ko te piki haere te rahi o ngā tāngata e taraiwa ana ki ngā rori, ā, kahore hoki e tika ana te taraiwa o ētahi ki ngā rori."

Tā Greally anō, ahakoa ngā hangarau hou kei te kitea ki ngā motoka hou mō te whakatika i ngā kaitaraiwa ki ngā rori, kei te kaitaraiwa tonu te mana. 

"He motokā hou kei te mau hangarau whakatika i te kaitaraiwa ki ngā rori, engari ko te mea kē, me mōhio ngā kaitaraiwa te ārahi tika i ō rātou motokā ki ngā rori. A, ki te tika tērā taha, ka heke te tatau matenga rori nei."

Tā ngā Pirihimana, hei ngā hororei Reipa ka heke ngā tatau whakahoro motokā, tātemea, o ngā matenga rori katoa, he toru tekau ōrau o ēnā matenga, he mate whakahoro motokā.