Up to $2.5mil needed to keep Urban Marae open

By Talisa Kupenga
  • Te Whanganui-ā-Tara

He marae mā ngā mātāwaka i te pokapū o Pōneke ka kapi pea ki te kore te rima rau mano tāra e kitea hei whakaora i a ia. Ko te marae o Tapu Te Ranga tērā i whakatūria nā runga i te āwhina o te hunga kore-kāinga, o te hunga taiohi, o ngā mauhere ō-mua, mema kēnge hoki. Ināianei, kei te īnoi anō ia ki te iwi nui tonu kia mau pūmau tonu ki tēnei taonga e whakaruruhau ana i te āhuru kore.                                                         

Nā te rua tekau mā rima tāra me te ngākau tapatahi a Bruce Stewart i tū ai te marae o Tapu Te Ranga i ngā tau whitu tekau, heoi ka kati pea ngā papa tekau o tēnei whare ki te kore ia e eke i ngā paearu o te ture.

E ai ki te Māngai o Tapu Te Ranga Marae a Pare Sannyasi, "Ia wiki e taea ana matou ki te karanga mai pea, moe kia 150 pea ngā tāngata ae, i tera tau e taea he toru rau nga tangata. Tokomaha maha nga whānau mai i a Sallies mai i a Winz mai i te hohipera. Kaore ratou e tino taea te haere mai i tēnei tau i te mea kaore he whare mo ratou.”

Ko rātou i hanga i te whare, i hanga te whare i te tangata', koinei te whakatauāki a Stewart te pāpā o Pare, mō te marae. He nui ngā raru me whakatikatika, ā, he nui tonu te whiu.

"Kaore nga whare katoa kua eke ki tera taumata o te compliance mo rua mano tekau ma ono na reira. Kaore matou e tino mohio he aha te utu mo te whakatika i nga hē o te marae nei ēngari ki tā ētahi o te kaunihera ko te utu ki waenganui i te $500,000 and $2.5mil."

Kua tuwhera tētahi whārangi tautoko ki Givealittle, ā, kei te whakarite tētahi hapa hei kohi pūtea i te marama o Hakihea. Kei te rapu kaiwaiata, kairotarota, ringatoi hoki te marae hei taurima i te kaupapa.

"Kua tino taka te hauora o taku pāpā te kaumatua o konei o Tapu Te Ranga, ki au nei ina ka aukati katoa te whare kaore au e tino mohio ka aha ki a matou katoa, ēngari ka aha ki a ia, ki nga kaumatua o konei. He mea tino pouri mo ratou, koinei to ratou katoa."

Ko tā te Kaunihera o Poneke kaore he rā mutunga hei whakatika i nga raru, me ko tā Paul Eagle hei te wiki e heke mai nei kei te whakarite tētahi rōpū ka hui ki te marae ki te kōrero mō te ara whakamua.

Tapu Te Ranga Marae Give-a-little Page- https://givealittle.co.nz/cause/supporttapu

Tuaritia: