He hua pea mo Ngāi Māori i te putanga whakaihuwaka o Abbott

  • Ahitereiria

Nā ngā oati a Tony Abbott ki te whakarahi i ngā pūtea mō ngā mahi hanganga, ka nui haere pea te rahi o Ngāi Māori ka nuku atu ki Ahitereiria kia whai rawa, kia whai oranga hoki.

Ehara i te ohorere te putanga whakaihuwaka mai o Tony Abbott me te Coalition i ngā kōwhiringa pooti Kāwanatanga o Ahitereira i ngā rangi tata, whai muri i ngā raru nui a te roopu Reipa i ngā marama kua hori.

Engari, ka noho pēhea a Ngāi Māori i Ahitereira i raro i tēnei Kāwanatanga hou?

E ai ki tetahi mātanga tōrangapu i reira, nā ngā kaupapa hōu e whāia ana e Abbott, ka whai hua a Ngāi Māori.

E whakapaetia ana, he kotahi rau, e whā tekau mano o Ngāi Māori e noho ana ki Ahitereiria, engari ko te nuinga kāre e taea te pooti i ngā kōwhiringa, kua kore he reo.

Anei te pūrongo a Ripeka Timutimu