Kaupapa: Entertainment

Ka whakarewa te terenga tuarua o te hōtaka Māori, The GC

Wepiha Te Kanawa
  • Ahitereiria

Ka whakapāho te hotaka motuhenga Māori "The GC" tā rātou terenga tuarua a te pō nei.

Nā ngā kupu hōu me ngā tinana pākaua tēnei hotaka i rongonui ai, ā, e ai ki ētahi o ngā kaiwhakaari kāore e kore ka eke anō ia ki ngā tino taumata kaimātakitaki, pēnei i te terenga tuatahi.

Hei tā, Alby Waititi, “He maha ake Te Reo Māori e rere ana, he hohonu ake ngā kōrero, ka mārama hoki te marea ki ngā āhuatanga o tā mātou whānau.”

He maha ngā whakahē i puta whai muri i te hōtaka tuatahi, nā te āhua i whakaaturia ai ngā uri Māori nei, heoi i tēnei wā e tūmanako ana a Alby ka rereke tērā whakaaro.

“Ki te tono rātou ki a mātou ki te kaha ake te reo Māori, kāore he aha ki a mātou, ētahi o mātou ka kōrero Māori i runga i te hōtaka, heoi ka whakarereke Te Reo Māori ki te reo Pākehā.

Ka ako hoki a Cole i ngā mahi taiaha, ā, ako hoki a Nate Waikato i te reo Māori.”

E ai ki a Alby kāore e kore ko tēnei te tino terenga o ngā terenga.

“I tēnei terenga ko te kaupapa matua ko ngā hua, he whakahonohono ngā mahi, he whakawehewehe, he whakaohonga hoki.”

Mātakitaki i te whakaaturanga tuatahi o te terenga tuarua ki konei.