E whai whakautu ana te whānau o Jordan Taurima

  • Waikato/Te Waiariki
  • Ahitereiria

 E whakarārangi ana ngā whakaahua o Jordan Taurima i tōna papa kāinga i Kemureti. Ko tōna whānau pani, e tangi hotuhotu ana.

E ai ki tōna pāpā a Richard Taurima he ōrite te menemene o tana tama, ki tēra o tōna whāea, mā te menemene o te tama rā e hia kē ngā kupu kā puea ake.”

He matenga ohorere i pā i te Raapa kua hipa i a ia e mahi ana i raro i a INCITEC PIVOT he kamupene whakahaumako, pahū hoki i Queensland. Hei tā rātou i mate ia i te takanga o tētahi utanga taumaha ki runga i a ia.

Kāre anō ngā whakamahuki mō tōna matenga, kia puta, ā, he pātai tarewa kei tōna whānau, e tatari ana mo te hokinga mai o tōna tūpāpaku.

Ko tā Richard Taurima, i whakapou kaha a Jordan ki te tiaki i tōna tuakana, i āna teina hoki, he nui hoki tā rātou aroha mōna.

I kitea te rangatira o āna mahi i roto i nga tohu aroha e rere ana i runga i a puka mata. Ko9 tā te nuinga ahakoa he iti tōna tū he Manawa kaha, nunui rawa tāna.

I te paunga o tērā tau i ahu atu a Jordan ki Ahitereiria ki te whai hua engari auare ake. Kua mahue i āia āna taitama tokotoru a Jacob rātou ko Beaudene ko Israel.

.Ahakoa e whakatewhatewhangia ana tēnei aituā e ngā mana whakahaere, e whakarite ana tōna whānau mo te tangihanga ki te karapu o Hautapu nei, hei tērā wiki.