Mai te whutupōro ki te Manpower

Aroha Treacher
  • Ahitereiria

Ko te painga rawa atu o ngā kanikani me ngā kākāhu i whakamaua e rātou, mei kore tātou e wareware ngā hanga maro o ngā tāne e tū tata tahanga atu ana, te take i tae mai te tini me te mano o ngā wāhine.

Nō hea rawa i whakaaro a Aiden Te Puke ka whai waahi ia ki te ao kanikani pēnei, ko tōna wawatā o mua ko te tākaro i te whutupaoro ngaio. Heoi nā te rahi o ngā wharanga i pā kino nei ki tēnei hiku, i whati tōna wheua waewae.

Otira he tūpono noa i kitea aia i te paheko ipurangi, nākona i tae mai te tono kia hono ia ki te roopu. Koira te timatanga o tētahi huarahi rerekē mōna i aia e rua tekau mā ono ngā tau.

He rima ngā tau kua pahure, otira, he ao rerekē tōna ināianei ki tērā o te whutupaoro i wāwātia e ia. Otira mō tēnei tama nō te hāhi Mōmōna kei Las Vegas aia e noho ana, he tekau mā rua ngā whakaaturanga i oti i aia ia wiki i te Casino o Excalibur.

Koinei te wā tuatahi i hoki mai ia ki Aotearoa nei mai i te wā i hono ai ia ki Manpower. I konei, he tekau mā ono ngā whakaaturanga ka oti i aia i ngā tāone tekau mā ono puta noa i tēnei whenua.