E tu matāra ana tētahi whānau Māori ki Penrith

  • Ahitereiria

E karanga atu ana ngā kaipatu ahi me ngā ratonga ohotata kia noho matāra nga uri e noho ana ki te takiwa o waho o Poihakena,

Hei tā tetahi uri Māori e noho ana ki Penrith, kei te take o ngā Paemaunga o ngā Blue Mountains, i te poupoutanga o te ra, i te whakarerea iho ngā kainga o te takiwa e ētahi o te hunga e noho ana ki reira, a, e rongo ana te kainga ra i te auahi me ona pungarehu.

Ko tēnei te ra tuawhitu o ngā ahi kaikā o Poihakena, ā koia nei ko te ra kino rawa atu, ta te mea, i te ata tonu nei, ka eke ngā hau ki te whitu tekau kiromita te horo. Mo ēra e noho ana ki ngā paemaunga, e karanga atu ana ngā ratonga ohotata, kia puta atu ngā whanau, kia wātea ai te ope tinei ahi, ki te mahi i ngā mahi, kia ora tonu o rātou kainga.

He koni ake i te kotahi rua tekau ngā morehu o ngā pae maunga, kua whai taumarumaru ano me ngā ringa rehe o te Kawanatanga me etahi atu ratonga oho tata ki te Karapu Riiki o ngā Panthers i Penrith.