Kaupapa: Kapa Haka

Te Whakataetae Kapa Haka ā-motu o Te Whenua Moemoeā 2014 - Te Raranga Whānui

updated Te Kāea, Wikitōria Day
  • Ahitereiria
Australia Kapa Haka Festival - Te Raranga Whānui

Kua hoki mārika mai ngā toa o tērā atu tau, arā ko Te Raranga Whānui nō Poihākena, ki te whakamīharo i te iwi i tēnei taiwhāinga nui whakaharahara.

I te tau 2012, i whakaihuwaka ai rātou i te whakataetae kapa haka ā-motu i tū ki Canberra, nā tērā, i whai wāhi atu ki te atamira o Te Matatini i tū i tērā tau i Rotorua.

I tōnā orokohanga mai, i whakatūria te kapa nei nā tētahi wānanga kapa haka i whakahaerehia e Te Wānanga o Aotearoa, me te mahi ngātahi o ētahi atu kapa o te rohe whānui o Poihākena.

Hei tā te rōpū, ka aro rātou ki te whanaungatanga me te whai i te angitūtanga i roto i ngā mahi ā-rēhia, ki raro i ngā tohutohu a tā rātou kaiako a Laurie Sarich, me kii he kapa me āta mātakitaki hei ngā tau e tū mai nei.

Ko ngā kaitātaki i tēnei tau ko Heremaia (Wayne) Prentice rāua ko Mihi Takahi.

Anei tētahi wāhanga poto o tō rātou whakaeke, 'Paraheahea'.