Kua whai wāhi atu tētahi taiohi i te ao pueru whai mana

Wepiha Te Kanawa
  • Ahitereiria

Kua kaha kitea tōna kanohi ki ngā wharangi maha o ngā tino makahēni kākahu, ā, kua whai kirimana ki ngā umanga whakātu kakahu o Aotearoa, New York, Poihākena, me Piripane.

I kapohia a Ruanui Dalton i Ahitereiria he kotahi tau ki muri, ināianei kore rawa he hokinga whakamuri māna.

Ki te mura o te ahi pākihi ka panaia ko tōna āhua whakamā, kia kawea ake ai te mānuka.

Hei tā Ruanui, “E aroha ana au ki aku mahi.  I au e tamariki ana, i whakaaro au ka whai i tēnei momo umanga engari kīhai au i whāki tērā wawata."

He kairaranga kākahu Māori a Kiri Nathan, ko ngā kākahu Māori o te ao hōu tana e whakaputa ana.

I te wā i kite ia i a Ruanui, mōhio pū ia me uru atu ia ki tana whakaaturanga.