E pēhi tonu ana ngā ture manene i a Ngāi Māori e noho ana ki Ahitereiria

  • Ahitereiria

Ko ngā Ture Manene rua mano mā tahi o te Whenua Moemoeā e ngau kino tonu ana i te hunga Māori kei tērā taha o Te Moana Tāpokopoko ā Tāwhaki e noho ana. 

E mea ana te māngai o tētahi roopu arataki i ngā aheinga o te Māori ki te whenua rā, e kīa nei, ko Iwi i Ahitereiria, he nui ake te mana o te hunga whakaruru i te mana o te hunga nō Aotearoa.

E karangatia ana ko te whenua moemoea, engari ara tonu nga moenamu a etahi uri Māori mō tēnei whenua

He kotahi rau waru tekau mano uri no Aotearoa kaore i te whiwhi i te putea toko i te ora, na runga i te āhua o te ture manene tau rua mano ma tahi

Hei ta Erina Anderson, o Iwi in Aus, i patua poka noatia nei tana tamaiti, e tetahi hunga manene, me i taimaha nei tāna takoto tūroro atu ki te hohipera, horekau he aha ka taka mai ki a ia. 

Ko te whainga matua a Iwi in Aus, he whawhai kia whakarereke i te ture kia whai penihana, putea tarewa hoki te Maori, engari i tenei wa tonu, auware ake.