Kaupapa: Environment

Kua tukuna ngā kaitīnei ahi o te Raki ki te patu ahi ki Ahitereiria

  • Te Tai Tokerau
  • Ahitereiria

Kainga ana te rohe o Wikitoria e te ahi, a, ko te whenua moemoea tēra, e karanga atu ana ki ēnei ringa patu ahi o Te Tai Tokerau kia hapai ake.

Ka whai wāhi atu te kaiwhakahaere Tawharau i ngā Ngahere o Te Tai Tokerau rātou ko tana tira patu ahi tokowha, ki te tira Patu Ahi wha tekau mā wha o Aotearoa.

“I tae mai te karanga kia rere ki Ahitereiria āwhina ai he kotahi wiki ki muri."

E matapae ana a Ihaka ka tau atu tana tira ki te rawhiti o Poipiripi, ki te takiwa o Gippland.

Ka rongo te tiima nei i ngā pamahana wera, ngā hau kaha hoki, engari ko te mea morearea rawa atu, ko te hingahinga kē o ngā rākau.

Hei apopo, ka rere atu te tira nei ki Ahitereiria, a, ka noho ngā ringa patu ahi o Te Tai Tokerau ki Gippland mō ngā wiki e toru.