Me kotahi ngā Watene Māori o Ahitereiria me ēra kei Aotearoa ki raro i te ture kotahi

Aroha Treacher
  • Ahitereiria

Ko te whakahau i te rongopai, he awhina ano hoki i ngā porohaurangi. Koinei te iti o te huhua o ngā mahi a ngā wātene Māori.

Kua tīmata a rātau mahi ki Ahitereira ano hoki me te hiahia kia mau tonu i a rātau te mana o ngā Wātene Māori ki reira.

He tata ki te iwa rau ngā Watene Māori ki Aotearoa nei, e ai ki te ture, kei raro ratou katoa i te mana o te Kaunihera Māori.

No reira, ko ta te Kaunihera, ki te whakawhānui atu te tu o ngā watene ki Ahitereiria, me kotahi ratou i raro i te ture kotahi.

I roto i ngā tau e toru kua piki ake te nama o ngā Wātene Māori ki Queensland ki te iwa tekau ma waru mema, a, kei te whai te perehitini a Rawiri Toko, kia whakaturia he peka ki Poihakena i raro i te ingoa watene Māori.

Ko ta Toko, "mo ētahi Wātene Māori ko te hiahia kia noho rātou ki raro i ngā ture o Aotearoa kia tūhono tonu rātou ki te kāinga."