Kaupapa: Kōhanga Reo

Kua whakaritea tētahi kaupapa Kōhanga Reo ki Poihākena

  • Ahitereiria

Kua whakamaanutia te kaupapa o te Kōhanga reo ki roto o Poihākena, ā, ki te takiwā o 'Macquiry Fields', e rua marama ki muri, ka timata te kaupapa nei, i raro i te taumarumaru o tētahi puna kohungahunga pākehā o reira.

Kei tōna tamarikitanga tonu te kaupapa nei, ā, kei te kitea mai ngā rerekētanga whakahaere ki ngā Kōhanga Reo o Aotearoa.

No naini ra tonu te kaupapa i whakamaanu, ā, ko te ahua o tona whakahaere, ka uru mai ko ngā kaiako me ngā kaiawhina, ki te whakahaere i ngā akoranga i roto i ngā reo e rua, me te whakatōngia ake he wairua Māori ki roto i ngā tamariki nohinohi. Ka mutu, ko te marautanga o te Kōhanga Reo, tona tuapapa.

Hei ta te kaiwhakahaere o te kaupapa o Te Kōhanga Reo ki Poihakena, tērā te memehatanga atu o etahi kōhanga i whakatūria ake i roto i ngā tau, hei tana, kua toro atu rātou ki te Tarahiti Matua o Te Kōhanga Reo ki Aotearoa nei, ki te rohe o Aotea, kia pakari ai ōna pakiaka.

Ehara i te mea, ka noho pā kāinga mai te kaupapa o te Kōhanga ki tēnei whare anake, engari kē, kua toro hoki ki takiwa ano o Poihakena.