Kaupapa: UFC

He moemoea kua whakatinanahia mā James Te Huna i te whakataetae UFC

Tamati Tiananga
  • Ahitereiria

He nanaiore mō tōna mana i te ao UFC tā James Te Huna.

Kua piki ake ia ki te reanga o waenga, mai i ō te māmā, kia whawhai ai ki a Marquardt, e hoki mai nei ki taua reanga whai muri i ōna hīnganga i a Jake Ellenberger me Hector Lombard.

Ko te mana o ia kaiwhawhai kei te whakamātauhia. Pā ana a Te Huna i tōna rarunga i a Mauricio "Shogun" Rua, ā, ko tā te kaiwhakahaere UFC tā Toma Wright, ka kapakapa pai te manawa a te marea mō tēnei whawhai.

E rima ngā whawhai kei te kāri i tēnei wā, ā, ko Robert Whittaker tētahi.  Ka tuki ia ki a Mike Rhodes, ā, e ono atu anō ngā tukinga kei te tāria.

Tērā ngā tukinga nō Aotearoa tonu kei te rapua, ā, ka riro mā Sean Shelby rāua ko Joe Silva tēnā e whakatau.  He ingoa nui anō nō tāwāhi kei te whakaarotia, hei kaiwhakatairanga i te hui.

I te mea ko te mea tuatahi o ngā tauwhāinga UFC ki Aotearoa nei, ka puta mai pea te perehitini o UFC a Dana White.