Ngā kaupapa: Crime, Transport

Whakamutua te taraiwa mōrearea, te karanga a ngā pirihimana

He rangatahi tokotoru kua mauheretia, whai muri i tētahi omanga mōrearea mai i ngā pirihimana o Tāmaki Makaurau inapō, mā runga i tētahi waka tāhae.

I hopukina te omanga nei ki runga Pukamata, me te rongo o ngā kaioma e kino nei te whakahīhī i te ture.

Ināianei kua puta te whakahau a ngā pirihimana kia noho ko ngā mātua hei papa mō ēnei tūmahi.

He matapihi tirohanga o te hunga rangatahi e tekau mā ono katoa ngā tau mai i tētahi motoka kua tāhae mai Ngamotu.

I mahuta te rīpene nei ki te paetukutuku o Pukamata neke atu i te kotahi haora whai muri i te oma, ā, rongo ana te kino o te whakahīhī me te whakahau kāhore anō te hunga hara kia mau i te ture. 

Engari tērā pōhēhē nui, nā wai rā ka hopukina te kaihautū, he taitamatāne, kāore e whai raihana. I oma te motoka i tētahi tūngā motoka ki Manurewa, ā, ka taraiwa ki te ara o te huarahi kahore e tika ana, mai Manurewa ki Manukau.

Ā, nō te ata nei, mauheretia ai ngā taitamāhine i whai tūru ki runga i te waka.

Hei tā te Ope Pirihimana e āwangawanga ana rātou ki ngā whanonga hara kua puta i te hunga taitamariki, horekau kē e arataki tika ana.

I tū te tokotoru ki mua i te aroaro o te Kōti Taitamariki o Manukau i te rā nei.

Kua hāmenehia te kaitaraiwa o te motoka mō ngā hāmene maha, ko tētahi hoki he hautū motoka poka noa.