Whakamutua ngā mahi tūkino, whākinahia! Kōrerohia!

Tēnei te rā tuatahi o te hīkoi e kīa nei ko Massive, ā ko ngā mema pāremata, me ngā kaitautoko era i rongo i te ngau o te makariri, engari toitū tonu nā te wera o te kaupapa. 
 
Ko te wero a te rōpū tāne ārai tūkino wāhine, kia whākina mai, kia kōrerohia ngā mahi kikino i roto i ngā whānau me ngā hapori, kia kaua e noho wahangū, kia kaua e tahitahia ki raro i te whāriki.
 
Ko te Rerenga Wairua te otinga o tēnei hīkoi, neke atu i te rua wiki e takahia ana te huarahi, e ruia ana te kaupapa ki ngā tōpito o te Taitokerau, mō te painga me te oranga o te katoa.