Tekau ngā tāngata kua mate i runga i ngā huarahi i ngā rā whakatā

Kino rawa te āhua ki runga i ngā huarahi o te motu i ngā rā whakatā na te matenga o ngā tāngata tekau nā ētahi aitua waka. 

I mate ngā tāngata nei i roto i ngā aituā waka e rima puta noa i te motu. 

He kaieke pahikara i hinga i Warkworth, tokotoru te hunga i  hinga i tētahi aitua ki Te Puna, pātata atu ki Tauranga. 

Ko tētahi whāea me tana tama he tekau ma whā tōna pakeke i mate i Whnaganui, tokorua i mate ki Otautahi a he tokorua ano i mate ki tētahi atu aituā waka i Waikato. 

Ko te karanga a ngā Pirihimana kia āta hāere ngā kaihautu waka o te motu kia tau te hāere hoki, tāpiri atu kua puta ano hoki te karanga ki te whakaheke i te tere o ngā waka ki runga i ngā rori. 

Ko tā te `rōpū NZ School Speeds me panoni ngā tikanga katoa e hāngai ana ki ngā kaihautu waka, me whai hoki i ētahi tāngata ka taea te whakapakari ake i aua tikanga.

I tēnei wā ko te aronga nui kei ngā whānau ka patua e te pouri i te pānga o te rongo ki a rātou kua ngaro ētahi mema o ā rātou whānau.