Te whakaīngoa i tāu pēpi

Taihoa e whakaaro ki te tapa i te īngoa ‘Justice’ ki tāu pēpi.

Koinei te īngoa kua tino whakahēngia e Te Tari Taiwhenua i ngā tau 10 kua hipa. Tuia ki tērā īngoa, kua kaha whakahēngia hoki a ‘Princess’, a ‘Royal’, a ‘Major’, a ‘Duke’ me ‘Bishop’.

Ehara i te mea he īngoa ēnei kua rāhuitia. Engari, ki te kore ngā mātua e āta whakamārama i te tika o te hiahia ki tētahi o ēnei īngoa, ka whakahēngia e Te Tari Taiwhenua i raro i tētahi ture i whakamanahia i te tau 95, kei pōhēhētia he taitara kē.

I raro i te ture, me rahi ake i te pū kotahi, ā me poto iho i te 100 pū te roa o te īngoa. Nā reira, ki te hiahiatia te īngoa tūtakiwā roroa rawa i te ao hei īngoa tūtangata, ka whakaaetia i te mea he 85 pū noa iho te roa. Whai muri i a Justice, ko King anō te īngoa kua tino whakahēngia. Heoi, te āhua nei, ki te whakamāorihia, kua kore he raru.

Kairīpoata: Piripi Taylor.