Kaupapa: ANZAC

Te 'Tikanga Whakamau'

E manarū ana Te Ope Kātua o Aotearoa i te huhua o te iwi whānui ka tūtira me ngā ope hoia hei te rā o ANZAC, ko ō rātou poho hoki kua titia ki ngā mētara whakahōnore. Nā konā, kua puta i Te Ope Kātua ētahi tikanga, kia mārama ai ngā uri hoia, me pēhea e mau tika ki ngā tohu whakanui.

I raro i ngā ture whakamau mētara i Aotearoa nei, e mōhiotia nei, ko te Tikanga Whakamau, ko ngā uri tata anahe a ngā hoia ō-mua kua hinga, e āhei ana te mau ki ngā mētara whakanui hei ngā rā whakamāharatanga ā-motu.  Ā, me mau ki te taha matau o te poho.

Ko ngā tohu hōnore o te Karauna i ririo i te hoia ō-mua, kaare e taea ana te mau e tētahi atu.  Hei tā Rūtene Tianara Rhyn Jones, tāhuhu rangapū o Te Ope Kātua, e koa ana i te rahinga ake o te hunga e mau ana ki ngā metara o ō rātou mātua tīpuna, hei whakahōnore hei whakamahara i a rātou i waenganui i o rātou hoa hoia anō.