Te rōpū māia o St John

Wepiha Te Kanawa

Mātua kitea tonutia te taiea o ngā mahi ā-tūao, ā-kaimahi tūturu hoki a St John. Neke atu i te whā rau mano ngā tūroro ka rongo i ōna raupītanga, a ko te whakakuene a te rōpū māia nei kia nui ake ngā uri Māori e whai wāhi atu ana. 

Ko rātou te kanohi o te hunga tiaki i te hunga māuiui o Aotearoa, e whakapau kaha ana ao te pō, e whitu ra i te wiki.

Huhua ana ngā kaupapa te wahaia nei e rātou. Me kii ko rātou nga hapaiōi e kore e tino kitea.

Kei te takiwa o te tekau mā whitu mano ngā kaiawhina me ngā kaimahi, he whā rau mano ngā wāea ohorere tahi tahi tahi ka whiwhi i a rātou. A, kua kaha kitea ngā hua o te hunga Māori e mahi ana ki ngā hapori Māori hoki.

I kōrero tahi tā mātou kaikawe kōrero ko Wepiha Te Kanawa ki ētahi o ngā kaimahi e whakapou kaha ana ki te tiaki tangata mo te ratonga a St John.