Te porotēhi a Ngāti Hau ki te ārai i te mahi kerikeri

Dean Nathan

Ko te āraitanga o te rori matua ki Waiotu te pikinga ake o ngā mahi a te hunga whakahē ki te keringa o ngā rawa o Papatūānuku ki tēnei takiwa.

Hei tā Te Raa Nehua, “Kia whakamohio atu ai ki ngā kaunihera a rohe ki te Kāwanatanga ki te ao katoa e kore mātou e whakaae ki ēnei mahi i waenganui ia mātou.”

Nā tēnei āhuatanga ka whakakotitihia ngā waka ki ngā rori kē atu me te kōrero a ngā kaipāmu mō te kaha tautoko a te nuinga i ngā whakahē.

He whawhairoa hoki, kei te mataara tonu te iwi kia kaua rawa te kamupene o De Grey mining e whakamahi i tana raihana hei keri i ngā koura me ngā hiriwa o te takiwa i runga hoki i te tūpato inā puta ngā paihana o te taiao ki roto i te wai kahore he hokinga whakamuri.

Ko tā Hone Harawira whakapono, "kia rongohia ai te Kāwanatanga i ngā nawe a te iwi Māori, iwi Pākehā o roto o Whakapara e whakakahoretia ana i tēnei kaupapa toxic mining."

E mea ana te iwi e kore e mutu ēnei āraitanga inā taringa hokeke tonu te kāwana ki a rātou auē.