Te Pire Whakahou i te Ture Penihana a Goff

I tāna kuhunga ki te Ope Kātua, i whakapono a Danny Makara ka noho te te Taua Moana o Aotearoa me SAS hei taituara mōna, engari i te tata rironga atu o tona kainga, karekau he tautoko mona.

Ko Makara tētahi o te ope rua tekau mā ono i whawhai ki Vietnam. I reira i whara tōna tuara, a i tana hokinga mai ki te kainga, i whiwhi ia i te penihana pakanga. Engari i huri te tai.

E ai ki a Phil Goff o te roopuu Reipa, ehia rau ika a whiro o te pakanga e noho taumana ana pērā i a Danny Makara.

Heoi hei te tuaono o Haratua ka wero ia i te Kawanatanga kia whai whakaaro mō rātou e pehia kinotia nei.

Kotahi noa te pōti e rapua ana e mana ai te pire, ā, ko ngā mema motuhake, ko Peter Dunne, ko John Banks pea ka pērā.

Me te aha, ko Dunne hoki tērā i tū tautoko atu i ngā ika-a-whiro o te whānau Nepata, i ākiria anō tā rāua tono kapeneheihana e te Kāwanatanga i tēnei tau.