Ngā kaupapa: ANZAC, Australia

Te maruwehi a te hoariri ki te hoariri

Dean Nathan

I te taone o Eceabat i te mātārae o Karipori e whakatika ana mō te taenga atu o ngā ope nō Aotearoa me Ahitereiria e haere ana ki ngā whakanuitanga o te Whawhai i te Kokoru o Anzac, kua kōrero ngā iwi o reira mō te wāhanga nui o taua pakanga i tū i te Pakanga Tuatahi o te Ao, i roto i ngā hītori o Turkey whānui.

Kua kōrero te kaiārahi, pūkenga hītori anō hoki a Aykut Degre ki tā mātou kairipoata a Dean Nathan mō te pōkaikaha o ngā iwi o Turkey i roto i ngā pakanga maha kua pā ki tō rātou whenua mai anō i te Pakanga o Troy i te rautau tekau mā toru, inā hoki ko ia ko te pakanga tuatahi a te tangata ki taua tahatai, ā, ko tō Karipori te mea whakamutunga.

60,000 ngā uri tangata whenua i hinga i te Pakanga o Karipori, ā, ahakoa i te whawhai kē rātou mō te hoariri i pā tonu te maruwehi ki te hautoa o ngā hōia o Aotearoa me Ahitereira, inā rā tērā te manawapopore ka hua ake i waenga i te hoariri me te hoariri, e toro ai te ringa āwhina a tētahi ki tētahi.      

Mō te roanga atu, tahuri mai ki te pūrongo a Dean Nathan, Te Kāea 5.30pm.