Te karanga a UNICEF hei aukati i te pōharatanga

Kotahi i roto i ngā tamariki Māori e toru e noho ana i raro i te poharatanga, nawhai ano me mahi ngātahi ngā  rōpu torangapū katoa ki te whakamutu i tenei tatauranga kikino e ngau kino ana i tenei whenua.

Koinei te āki a te rōpu haumaru Tamariki, o Unicef. Me te mea nei, ahakoa te whakapaunga kaha a tētahi māmā takitahi ki te hiki ake i te kapua pouri o te poharatanga e poke nei i aia me aana tamariki, kaore he paku āwhina ki aia.

I ngā pōtitanga ā motu e whakatata mai ana, e kaha kimi pōti ana ngā kaitorangapū o te motu, me te whai kia riro i a ratau te mana kawanatanga.

Heoi e ai ki te rōpū taunaki tamariki a Unicef, e ngoikore marika ana te kawanatanga o naia ki te aro ki ngā mana o ngā tamariki, mātua rā ngā mana o ngā tamariki Māori.

I wehe ia i te mahi i reira ia i mua rā, he mahi wheketere i ētahi wā he 12 haora te roa i te rā kotahi, he uaua rawa māna te whai kaitiaki mō āna kotiro. Mai i tana penihana, he 20 tara ka toe mai i te mutunga o te wiki, kia oti mai tana utu i tana riihi whare, te hiko, me te kai mō te wiki.

Heoi kia pai ake ai te nohoanga o ngā tamariki penei i ngā tamāhine a Billy me kaha ake a ngāi kaitorangapū mā, heoi me kaha hoki te hapori whānui, te whakahau a Deborah.