Te huritau whitu tekau o Te Moana Nui-a-Kiwa Ngarimu

Aroha Treacher

I whakamaumahara te hunga o te taone iti o Ruatorea i to rātou tama, a Moana Nui-a-Kiwa Ngarimu, mo tona marohirohi i te pakanga o te ao tuarua.

I tae a tinana mai ngā uri whakaheke o Ngarimu ki tēnei hui nui whakamaumaharatanga mo to rātou whanaunga tata.

I rangitamiro ai te taone kātoa, na runga i tenei hui nui whakaharahara, te hitori nui hoki, kia maumahara ai i ngā hoia o mua.

Kua toru tekau nga tau inaianei nga kauhou Ngata e haere ana, na Ta Tamati Reedy i whakaturia ai i te tau waru tekau ma toru.

I whakarewaina hoki, he rua rau rima tekau mano tāra ka whakahaoa mo te rangahau o te rua tekau ma waru, waihoki, hei te rua mano tekau ma rima, ka whakaturia he kahui akonga o mua.