Rohe Potae

Heeni Brown

Neke atu i te kotahi rau, e whitu tekau ngā tono kerēme kua whakatakotoria i te uiuinga ki Te Rohe Pōtae, tētahi o ngā uiuinga nunui rawa o Aotearoa.

I roto i ngā kōrero whakakapi a te karauna, ka puta i a ia te whakapae, kahore e whai take ana ngā whāinga kia ahuwhānui atu ai te titiro ki ngā huānga o ngā 'Tikanga' hei 'Taonga'.

No Rangianiwaniwa Pehikino ngā kōrero taunaki ko 'Nga Tikanga o Te Rohe Potae' te tuakiri o to rātou oranga, te mana tohutohu, te mana whakahere i a ratou. Ā, kia kaua e takahi rā anō te Karauna i tēna.

Engari e mea ana te Karauna me ata wetewete i tēnei mea te 'Tikanga', a, kahore e whai take ana kia whakaritea i nga 'Tikanga' ki ta Te Tiriti o Waitangi e mea ana he 'Taonga.'

E ai ki te Karauna he uaua te whakatau tūturu he aha ke tēnei mea te tikanga.

A, kōrero anō ai te pae o Te Rōpū Whakamana mō ngā taimahatanga i ūhia ki ngā iwi o Te Rohe Potae.

Hei ta Tom Roa tētahi o ngā kaikōrero mō Ngāti Maniapoto, tētahi o ngā iwi nui o Te Rohe Pōtae, mai anō i te taenga tuatahi mai o te Pākehā ki tēnei wā ko ngā tikanga Māori ēnā kua raru.

Hei tā Roa, “Ka kīa e te karaua ko koe Tawhiao me ō tikanga ki tērā whaitua o te puniu, ko mātou me o mātou ture kei tēnei whaitua. Whakae katoa ngā rangatira o Maniapoto. Nā reira ka noho a Maniapoto me ana mana rangatiratanga ki roto o te rohe pōtae. Kaore he pānga o te ture Pākeha ki konei mot e rua tekau neke atu ngā tau.”

Ko tētahi wāhanga nui o ngā kōrero he aro ki te Te Ohaki Tapu, he kupu oati, he kī tapu ki te Karauna e whakamana ana i te rangatiratanga o ngā tūpuna o Te Rohe Pōtae, pēnei me Wahanui, a Manga ko tōna īngoa anō ko Rewi Maniapoto, ko Taonui Hikaka, Te Rerenga Wetere me ētahi atu.

E ai ki a Keith Ikin, “He pai ki ahau ngā kōrero a te karauna mō te hē o te tango i ngā whenua, o ētahi o ngā takiwā o te rohe. He tino  pai ki aku taringa ērā kōrero. Engari kahore ahau i te whakaae ki tā rātou i kī ai mō te Ohaki Tapu.”

Hei te marama o Pepuere ki Te Whanganui a Tara tū ai nga uiuitanga tekau ma whitu, otira te uiuitanga whakamutunga.