Kaupapa: Crime

Piri tonu ana a Derek Fox ki tāna whakatau mō te parekura whakatumatuma ki Parī

Heeni Brown

Nā te ika-a-whiro o te ao pāpaho me te kaitono o mua a Te Pāti Māori a Derek Fox te kōrero, e aroha ana ia mō te hunga tekau mā rua engari me kaua e ohorere ki ngā mahi-terorehe a ēnei tokotoru.

Hei tā Fox, ‘I mōhio tonu rātou kei te whakaaro pērā ētahi o rātou engari hāngai tonu tō rātou hāere ki te kangakanga ki te takatakahi ki te mahi parahako ki ngā Muslims.”

Ahakoa kua tū a Fox hei kanohi mō te Pāti Māori, kei te tū wehewehe te Pāti Māori ki ngā whakatau a Fox.

Me tā te kaiārahi takirua o te Pāti, tā Marama Fox i roto i tana kauhau, kahore rawa ia i te whakaae ki ngā patunga terorehe i pā ki a Charlie Hebdo.

Ki Aotearoa nei, tērā te taenga mai o tētahi tira tokotoru nō Parī kua haere mai ki te kapo i ngā whakaahua mō tō rātou hōtaka-wiwi a 360 Travel, e aroha ana rātou ki tō rātou whenua e tangi tūturu nei mō te toru rā.

E ai ki ngā rīpoata, e rapu tonu ana ngā pirihimana i ngā tuakana teina a Said rāua ko Cherif Kouachi, e whakapaetia ana nā rāua tonu i kōhuru i te tekau mā rua tāngata inanahi rā, ā, mō te kaiwhakatuaki tuatoru, i a Hamyd Mourad kua tuku kē i a ia anō ki ngā mana o te takiwā.