Kaupapa: Technology

Ohorere ana ngā kaipāpāho Māori ki te hokotanga atu o te iarere pāpāho

Ohorere ana te ao pāpāho Māori i te rongo kua hokona atu te paetukutuku iarere ki te kamupene o Telecom.

E ai ki a Rereata Makiha, kaipapāho Māori, he maha ngā hua ka taka mai ki te iwi Māori mena i whakawhiwhia tātou ki ēnei tino taonga.

Engari e whakapae ana a ia, e aro atu ana te kāwana ki te rahi o te herengi ka taka mai ki a rātou.

“Kua kore tātou e whai i ngā ara e taea te tuku wa tātou kōrero, wa tātou pikitia, wa tātou matauranga, ngā matauranga o wa tātou nei tupuna hei whakaputa ki te ao.  He moni hoki te mahi, tēnei mahi a te kāwanatanga, he moni te mahi.”

Heoi kua puta te wero a te tumu whakarae o Uma Broadcasting, a Bernie O'Donnell, e mea ana, he pakanga kei te hāere, kahore ko te whakatau a te kāwanatanga, te otinga mutungakore o tēnei take.

Nā wai i kī kei te kāwanatanga te kōrero whakamutunga mō tēnei kaupapa?

Ehara kāre ia rātou te kōrero whakamutunga, kei te āta titiro atu ahau ināianei ki te huarahi hei whāinga mā tātou, e whawhai tonu, e pakanga, haere tonu te pakanga mai rāno taua pakanga i puta mai ia mātou.

Otira, tāria te wā ka kitea, e pēhea ana te anga whakamua, te hoki whakamuri rānei o tēnei kaupapa.