Kaupapa: Waka Ama

Ngā Whakataetae Waka Ama a motu 2014

Wikitōria Day

Neke atu i te waru mano nga tāngata kua ikapahi atu ki te roto o Karāpiro mō te whakataetae Waka Ama 2014 i tēnei wiki. Koinei hoki te tau e whakanuia ana e ngā kaihoe te ekenga o tēnei whakataetae whakahirahira ki te rua tekau mā rima tau. Hei tā ngā korero, kei te takiwā o te rua mano, waru rau ngā kaihoe kua whai wāhi atu ki ngā wai tokitoki o Karāpiro, ā, rima tekau mā whā katoa ngā karapu kua whakauru atu i tēnei tau.

Ki tā te Tāhūhū Rangapū o Waka Ama Aotearoa a Lara Collins, he nui ake te tokomaha o ngā kaihoe me ngā kaitautoko i tēnei tau i ērā i tae ā tinana atu i ngā tau kua taha ake nei. Hei tāna anō, he rawe ki te kite atu i te tini ngā tamariki e pīkoko ana ki tēnei hākinakina e kaingākautia ana e te motu whānui.

E mārama kehokeho ana te kite atu i te whānui haeretanga o ngā tīma hoe kei raro iho i te karapu kotahi.  Tekau ngā tīma kei raro iho i te marumaru o te karapu Waka Ama o Maketū Hoe Waka nō Tauranga, ā, whā tekau mā rima ngā tīma nō te karapu Hoe Aroha Whānau o Mauao.

Anei e whai ake ko ngā hua i puta i ngā rēhi whiringa toa:

J16 Women 1000

Turanga tuatahi: Whetumatarau – 5:36

Tūranga Tuarua: Karawhiua- 6:01

Tūranga tuatoru: Tiare Māori- 6:02

J16 Men W6 1000

Turanga tuatahi: Awhiowhio Te Toki Voyage Trust- 5:16

Tūranga tuarua: Turama Auika- 5:19

Turanga tuatoru: Push to the max- 5:23

Int Women W6 1000

Tūranga tuatahi: Hinekura- 6:12

Turanga tuarua: Pare Waikato- 6:26

Turanga tuatoru: Puketirini Whetū- 6:34

Int Mens W6 1000

Tūranga tuatahi: Duck Rockers- 5:58

Tūranga tuarua: Ngā Aukaha- 6:18

Tūranga tuatoru: Pukerau- 6:28

J16 Men - W6 500

Tūranga tuatahi: Push to the Max- 2:05:08

Tūranga tuarua: FMB aka For My Brothers- 2:05:35

Turanga tuatoru: Awhiowhio- 2:05:60

Mō te whānuitanga o ngā rēhi whiringa toa, tēnā whātoro atu ki tēnei pae tukutuku

http://www.maoritelevision.com/tv/shows/2014-waka-ama-sprints