Kaupapa: Tūhoe

Native Affairs - Urutomokia Anōtia Rā

Iulia Leilua

E rongo ake anō ana tētahi whānau o Ruatoki i te ngau o te mamae i tētahi urutomokanga anō a ngā Pirihimana i roto i te āiō o te pō.

Ka mutu, i tonoa te whānau nei ki waho, ā, i houmatatia i raro i te mana o te pū.

Ahakoa kīhai ngā Pirihimana i paku kite noa i tētahi āhuatanga hīrau, horekau tonu tētahi whakapāha kia puta mai i Te Tari Pirihimana i tēnei wā.

Kua whakapuare anō tēnei maiki i ngā hakihaki hei mitimititanga mā ngā uri o te kohu, mō rātou nei kua patua kinotia e tēnei take tonu i te tau 2007.