Native Affairs - Te tama o te Tianara me te rerenga

He ratonga āwhina a Kia Ora Gaza no Aotearoa e whai ana ki te whakamōhio atu ki te marea ngā raruraru kei te pā ngā uri o Pirihitia. 

Kātahi ano rātou kia hautu i tētahi `ropu kawe i te āio, ko tētahi ko Yousef Al Jamal he rerenga no Pirihitia, ko tētahi kaituhi ko Miko Peled, rātou ko tētahi hoia Iharaera ō mua, me te tama ā tētahi o ngā whanau whai mana o Iharaira.

E mōhio pū ana a Peled ki ngā hua kino o te whakawhiunga a Iharaira ki ngā uri o Pirihitia. 

I te tau 1997 i mate tana irāmutu na tētahi kaipupuri pahū whakamomori i Jerusalem, na whai anop kua tuhi pukapuka a Peled e pā ana ki te huringa o tōna whānau ki ngā tikanga Pirihitia.  

I whānau mai a Yousef Al jamal ki tētahi puni rerenga i reira hoki tipu ake ia a kua whakatōngia ngā tikanga āio o Pirihitia ki roto i a ia, inā katahi ano ia kia whakapākehatia te pukapuka 'The Prisoner Diaries'.

I te tuatahi i aukatia e te tari Manene o Aoteroa i te tono a Al Jamal ki te hau mai ki Aotearoa, heoi kihai tēra ahuatanga i whakararu i a ia, ā i hāere tonu tana whai ki te hau mai ki konei. 

I kōrero tahi a Annabelle Lee-Harris ki te ope āio kua tau mai ki Aōtearoa.