Native Affairs reporter & cameraman onboard seized flotilla

Taroi Black

Ko tētahi kai-kawe kōrero o Whakaata Maori, ko Ruwani Perera e tere ana i runga i tētahi kahupapa waka e meatia ana kua mau i ngā tauā o Iharaira.

Ko Perera rāua ko tana kai-kāmera, ko Jacob Bryant kei runga i te waka ārahi i te kahupapa, i a Marianne. Ko tā te tira waka nei, he kawe i ētahi rawa hei awhi i ngā iwi o Gaza, ka haukotia i mua i tā rātou taenga atu. 

I motuhia katoatia ngā hononga kōrero a ngā kaiwhakahaere ki ngā waka i mua i te tekau mā tahi karaka i tēnei ata, i tā rātou ahunga atu ki Gaza.  

Kihai te māngai kāwanatanga o Iharaira ki Pōneke i whai wā ki te tuku kōrero heoi ano e mea ana te hunga pāpāho puta noa i te āo, e rua tekau ngā tāngata kua mauheretia. 

He tekau rā ki muri, ka eke a Native Affairs ki runga i tētahi o ngā waka. Whai muri i tēra, ka eke atu te hunga pāpāho o Al Jazeera, Iharaira me Rūhia. Kāre ano tētahi o rātou kia whakapā mai ki a mātou i roto i te rua tekau mā whā hāora.