Ngā kaupapa: Child Abuse, Domestic Violence

Native Affairs - Owen Glenn

Ko te tirohanga a tarahiti a Owen Glenn ki ngā mahi tūkino whānau he kaupapa i tumanakohia ka tāea te whakaiti i ngā rāru tūkino whānau ki Aotearoa nei. 

Heoi kare ano kia pau te tau kotahi kua whai raru te rōpu me āna mahi, inā rua tekau mā whitu o ngā mema o taua tarahiti toru tekau mā waru kua rihaina kua puata atu i te rōpu tirohanga. 

I te Paraire kua hipa i huri tuara te kaiwhakahaere o te tari me tētahi o ngā hēkeretari ki te kaupapa i muri i te rihainatanga o ngā mema matua tokorua o taua rōpu i te marama o Mei. 

Kua puta ki te ao whānui i hāmenetia a Owen Glenn mo te mahi tūkino wahine i Hawai'i i te tau 2002, ahakoa i whiua e te kōti aua hāmene ki waho, kihai a Glenn i whakamārama atu ēnei ahuatanga i mua i tōna whiwhinga i te tūranga māngai Kāwanatanga mo te whakakore i te mahi tūkino whānau mo te kaupapa rīpene mā.  

Kei te hui tahi te poari i tēnei wiki ki āta wherawhera he aha rā te anga whakamua mo te tarahiti nei, mēna ka tango hoki i te ingoa o te tangata nei mai taua kaupapa. 

Hei āta wetewete i tēnei take i noho tahi a Marama Davidson tētahi o ngā mema o taua tarahiti, ko Anton Blankno te Mana Ririki, rātou ko Tākuta Neville Robertson i rīhaina mai taua rōpu i tēra wiki.