Kaupapa: Housing

Native Affairs - Ngā kōrero hanga whare

Nā runga anō i te hōkeka o te mākete hoko whare i roto o Tāmaki Makaurau me Ōtautahi i roto i ngā tau, ka tīnihia rawatia te āhua o te hoko pūtea tārewa e Te Pūtea Matua.

Ko ngā ture hou katahi anō ka whakatūria e kii ana, me tuku i a koe he rua tekau paiheneti o tāu e hiahia ana.

Ko te manako nui mā ēnei whakarerekētanga ā ture te mākete e whakapōturi ake. Hēoi anō, nō te putanga mai o ēnei kōrero kua haere tōtika atu te tini tāngata ki te hoko pūtea tārewa, i mua i tōna whakarerekētanga mai. Pēnā he $400,000 te wāriu o tō whare, kia whai pūtea tārewa koe, me whakatakoto i a koe he $40,000, ā, mō āpōpō taua nama eke atu ki te $80,000.

E whakapae ana a Te Pūtea Matua ka heke te maha o ngā tāngata e hoko whare ana mō te wā tuatahi i te rua tekau mā rima paihēneti. Nōreira anō toko ake ai te pātai, ka pēhea a ngāi Māori ko tōna nuinga he whā tekau mā rima paihēneti noaiho kua whai whare taketake, ā, he whitu tekau paihēneti mō te Pākeha.

Kua whai wāhi atu a Mihingarangi Forbes ki te kōrero ki te pūkenga pākihi nei, ki a Rod Oram, me te tumu whakarae o IWInvestor, a Rau Hoskins.