Ngā kaupapa: 28th Māori Battalion, ANZAC

Native Affairs - Italian Tales

Mō tērā marama, ngā ika ā whiro whakanui ai i te whitu tekau o te pakanga o Cassino.

I tuanaki ngātahi atu te tumu kōrero nei, a Tākuta Monty Soutar me tā mātou karere a Adrian Stevanon ki Itāria, kia kapo ake ai i ngā kōrero mō tēnei pakanga nui whakaharahara, ā, kia rongo anō hoki i te wāhanga ki ngā hoia o Aotearoa i tēnei pakanga.

Ka whakapāhotia tuatahitia te pakipūmeka nei hei te Paraire e haere ake nei, hei te whitu karaka i taua pō tonu, hei wahanga ki ngā mahi whakatairanga ANZAC a Whakaata Māori.

Hēoi, i a rātou i tāwāhi rā, i whai wāhi atu te tokorua nei ki te kite ā-kanohi nei i ētahi tino kitenga o Itāria, e hāngai pū ana ki Te Hokowhitu a Tū, arā, Te Rua Tekau mā Waru.