Ngā kaupapa: Entertainment, Te Reo Māori

Native Affairs - He Maunga Teitei

Mo te Māori he tino kawa te rongo i te hunga tauiwi e whakahua ana i ngā kupu Māori pēnei rawa te āhua, Ick-a-rower-raffidy, Teka-what-ah, Heck-yeah Paraadar.

Kua rongo ano hoki te motu whānui i ngā kaiwhakataki tauiwi e whakaparahako ana i tō tātou reo i a rātou e pānui ana i ā rātou tuhinga kōrero, heoi i te nuinga o te wā kei te noho kuare kē rātou ki a rātou hapa nui e kohuru ana i te reo rangatira.

Ko te mea kino rawa atu kihai  ētahi i te paku whai ki te whakahua tika i ngaā kupu Māori kia tika te rere. 

Heoi mo ētahi kaiwhakapāoho o te teihana tuatoru kua huri te aro ki te āta ako i te whakahua tika i ngā kupu Māori, ki te ako hoki i te reo me ōna tikanga, na whai ano kua hono tahi rātou me ētahi o ngā kaimahi o Whakaata Māori ki te ako i te reo, kia piki ai te mana o ā rātou ake kōrero.