Native Affairs – He tirohanga whakamuri

Ka hoki whakamuri te titiro ā Native Affairs ki ngā kaupapa nui o tēnei tau  hei whakakapi i te wāhanga whakapaoho o 2013. Kā hoki te titiro ki te hunga i whai wāhi ki te hōtaka i tēnei tau, ki ēra kua ngaro ki tua o Paerau hoki.

Hei whakarangatira i te hōtaka whakamutunga ka hono mai te kaiwaiata pūmanawa a Troy Kingi o te kiriata Mt Zion.

Tāpiri atu kua hono mai ētahi mema tōrangapū Māori mai ngā rōpu tōrangapu e ono hei āta matapaki i ngā take nui o tēnei tau.

Ko Metiria Turei o te rōpu Kakāriki, ko Hone Harawira o te Pāti Mana, ko Winston Peters te kaiārahi o Aotearoa Tuatahi, ko Shane Jones o te rōpu Reipa, Te Ururoa Flavell o te Pāti Māori rātou ko Tau Henare o Nahinara.

He ope mātakitaki e noho mai ana ki roto i te taupuni mahi mo tēnei hōtaka motuhake kei wāenganui i ā rātou ko ētahi o ngā kanohi i whai waahi ki a Native Affairs i tēnei tau.

I mua i te rukuruku hāere ki ngā kaupapa o tēnei pō i āta huri te titiro ki ngā pūrongo whakahirahira i whakapaohohia e Native Affairs i tēnei tau.