Kaupapa: Child Abuse

Moko's killers sentenced in Rotorua High Court

Mere McLean

I tiki atu a Kaiwhakawā Sara Katz i ētahi atu tauira mai i ngā kēhi tūkino tamariki o mua ki Aotearoa hei whakatauira ki tēnei kēhi mō Moko Rangitoheriri.  Engari koinei te kēhi whakamate pokerehū kino rawa.

I rongo ia i ngā au piki, au heke i pā ki a Tania Shailer rāua ko David Haerewa ki te taha ki ngā taumahatanga, hei tāna mō ētahi atu whānau i rongo i tērā taumaha kihai rātou i whakamate i ngā tamariki i raro i a rātou.

Ki mua i a Kaiwhakawā Katz i rāngona ngā kōrero, nā Shailer rāua ko Haerewa ngā mahi tūkino i whakatō ki roto i to rāua kainga.  Tokoono ō rāua tamariki, heoi, ko Moko Rangitoheriri, toru tau noaiho te pakeke i whāia.  Ono wiki te roa o ngā tūkinotanga i tau ki runga i a ia i a Shailer rāua ko Haerewa. 

I tū te māmā o Moko ki roto i te kōti ko ana mamae katoa i tukuna atu ki a Shailer.

E ai ki a Nicola Daly-Paki, te māma o Moko Rangitoheriri, “You're meant to be my friend, someone that I could trust but instead to butcher and kill my child…”

Ahakoa heke ana ngā roimata, rīrā ana tana whakahau ki te kaiwhakawā.

“Have no remorse on them your honour, they showed no remorse on my son.”

Ki tā Kaiwhakawā Katz koinei pea te mutunga mai o ngā kēhi mō te whakamate pokerehū.  I mate a Moko i te tuangahuru o Hereturikōkā i te tau ka huri i Taupō.  Kihai a Shailer rāua ko Haerewa i whakapā ki ngā ratonga hauora i mua i tōna matenga, ā, i ngā whakatewhatewha a ngā pirihimana i rūkahu rāua mō ngā mamae i kitea ki tōna tinana.