Me whakawhānui ake te titiro ki te whakakore i ngā raru waipiro mo te hunga rangatahi

Aroha Treacher

He whakahokinga mahara tēnei tukinga waka ki a Tori Morrison, ki te aituā i tata hemo ai tana tama a Ben. I tuki ia me āna hoa tokowhitu i te piriti i runga ake i te awa o Tutaekuri, tokorua i mate.

Pērā i a Tori, kei te kauhou a Jared Thomas mō ngā whanonga pai, te inu waipiro me te taraiwa waka. Koia te morehu kōtahi o tētahi aituā waka, i taraiwa waka haurangi ai tētahi o āna hoa, a nā te kakama o te waka, tokotoru o ōna hoa i mate.

Tata ki te tekau ngā tau mai i taua aituā waka, mau tonu ana ngā wharanga o taua wā ia a ia, he whara e ngau nei ia rā.

I reira te āpiha a Iain Cheyne i te pō o taua aituā waka, koira tētahi o ngā aituā morikarika i ōna tekau mā waru tau hei pirihimana, nei rā tana inoi.

Hei tā Iain, “sticking to zero, it's pretty easy if you've been drinking stay away from the car.’

E hia mano ngā tauira ka tae mai ki tēnei hui waipiro mō ngā rangatahi, ko te tino ia, kia mārama ai, kia karo ai rātou i ngā mōreareatanga o te taraiwa waka, kia kaua ai rātou e mate.