Me whakawhānui ake ngā ara tautoko hei kaupare i ngā mate whakamomori

Dean Nathan

E rima rau, e ono tekau mā whā te rahi o te hunga mate i ngā wharanga o ō rātou ringa ake i te tau ki muri, kaare he tatauranga rite i roto i te tau kua hipa.

Koinā te kitenga i ngā tatauranga hōu a Kaiwhakawā Deborah Marshal, te kaiwhakawā matua mō ngā take tūpāpaku, i puta i te rā nei. 

E ai ki te māngai whakakore whakamomori ehara i te rongopai kia pānui ngā tatauranga hōu mo ngā mate whakamomori.

E ai ki ngā tatauranga ā te kaiwhakamātau tūpāpaku mai I te marama o Hōngongoi rua mano tekau mā wha ki te Pipiri i tēnei tau, he nui tonu nga tatau mō te mate whakamomori i Tāmaki Makaurau ara he whā tekau mā waru, engari kei Te Waitemata ngā tatau teitei rawa, ara he ono tekau ma toru.

He ono tekau mā tahi ki Waitaha, e whā tekau mā iwa i Waikato, e whā tekau ma rua i te Te Tai Tonga, toru tekau mā rua i Te Waiariki me te rua tekau mā waru i te Tai Tokerau.

Ko te Raid Movement he rōpu rangatahi nō Whangarei i whānau mai e toru tau ki muri me te whai kia whakakahore i te mate whakamomori.  Nā, i te marama kua hori e rima kē ngā whānau i tuku āwhina atu a The Raid Movement i a rātou.

E ai ki ngā tatauranga ā te Kaiwhakamātau Tūpāpaku he whā rau rua tekau ma waru ngā tāne i mate pēnei Ā, he kotahi rau toru tekau mā ono ngā wāhine. E whitu tekau ma rima ōrau ō ngā matenga whakamomori, he tāne.

Kei te rapu tonu i nga tikanga hei arai i te mate whakamomori ki roto i ngā whānau me ngā hapori.

Waea atu ki te Mental Health Foundation - 09 623 4812

• Lifeline - 0800 543 354 

• Depression Helpline (8 am to 12 midnight) - 0800 111 757 

• Healthline - 0800 611 116 

• Suicide Crisis Helpline  0508 828 865 (0508 TAUTOKO) 

• Youthline - 0800 376 633, txt 234 or tuku īmera rānei ki talk@youthline.co.nz