Kaupapa: Health

Me whai wāhi a Ngāi Māori ki ngā poari me ngā runanga

Te Kāea

Ko tā te Manukura he mōhio, he whakātu, he arahi. Koinei te āwangawanga tā te Kaiārahi o Te Kohao Health, e whakatenatena nei ia Ngāi Māori, kia whakatū ringa mo ngā tūranga ārahi, tūranga Manukura hei whanake ai i ngā hapori maha mo āpōpō.

Kua roa nei te manukura o Te Kohao Health a Tureiti Moxon e ārahi ana ki ngā tūranga whakarae. Kei te āwangawanga a Moxon mo te mātauranga hei ako mā ngā kaitono ki ngā tūranga poari whakahaere.

Kei te tūranga kaiārahi a Moxon mo ngā rōpu Te Kohao Health, he mema Matapopore mo Ngāti Pahauwera me Tiaki, Matua Rōpu Hauora o Hauraki, me Te Rūnanga o Kirikiriroa.

Ko tā Moxon e mea ana, "Ko te ngana te mahi tuatahi, hei aha te noho wehi mehemea he pūkenga wāu."

Ko ngā momo Poari e kōrerotia nei, kei ia iwi, ia rohe, puta noa i te motu. E ai ki a Moxon, koinei ngā mea e maharatia nei e te Māori.

Me aro te iwi kia tipu ai, kia hua ai, kia puawai ai ngā manukura o āpōpō, inā koa ngā whakataunga mō te Tiriti, whakatupuranga-a-iwi, me ngā pakihi hei whakaea.