Kaupapa: Rereātea - Midday News

Me tika te tahua hei whakanao i ngā rongoā hōu mō te mate pūkahukahu

Te Kapa ā-Tihi - Rereātea

I tēnei te rā kua tapa ko World Lung Cancer Day e whakahau ana te Tuāpapa Pūkahukahu o Aotearoa me tika te tahua hei whakanao i ngā rongoā hōu mō tēnei mate nui, i Aotearoa nei.

He tino raru tēnei i waenga i ngā iwi katoa. He pūwhā te tūpono mate ki te wahine Māori, ā, he pūtoru te tūpono mate ki te tāne Māori tēnā ki iwi kē atu.

Ahakoa ko ia te mate pukupuku e kaha patu nei i ngā tāngata o Aotearoa kāore tonu he hua ka puta i ngā tāke tūpeka hei whakaawe i te oranga pūkahukahu, hei tātari rānei, hei hoko rānei i ngā rongoā hōu e wātea ana.