Mē kōrero tahi ngā kaiwhakahāere pae pāho kōrero ki ngā tohunga tā moko mo ngā tikanga ahurea whakaahua

By Raniera Harrison

E karanga tētahi tohunga tā-moko kia āta kōrero tahi a Pukamata, a Instagram me ngā kai-tā moko Māori ki te matapaki i ētahi tikanga ahurea mō runga i ngā pae pāho kōrero.

E whai ana tēnei i tā rāua tango atu i ngā whakaahua o te pūhoro i te whārangi o te kai-tāmoko nei, o Hirini Katene. E ai ki a rāua, kaare ngā whakaahua i te hāngai ki a rātou tikanga.

He ringa rehe a Hirini Katene ki te uhi, heoi ko āna mahi kei te whakataurekarekahia ki ngā pae pāpori.

Ki tā Hirini Katene, “I just want to be comfortable in sharing my art and this being pulled down, and then have to be like, oh not this again.”

Koinei te whitiāhua tonu i mukua e Pukamata me Paeāhua i te whārangi ake a Hirini Katene i ngā rangi whakatā.

Ko tā ngā pae papori e rua e whakamataara nei, he nui nō te karihika o tēnei pūhoro katahi anō ka oti i a Katene, ka mutu, he maninohea anō.

Hei tā Katene, “Sexual acts? There's nothing sexual about that pūhoro. Or him, you know, turning.”

Nā tētahi karere a Pukamata ki a Katene, i kii rātou, "he mōrikarika nō ngā pikitia mō te hapori whānui o Pukamata"

Heoi, hei tā te tohunga tā moko, tā Gordon Toi, me whai wāhi nui atu anō ngā taumata pae papori ki te whakawhiti whakaaro me ngā iwi taketake, pēnei i te Māori, mō ngā āhua e tika ana, kāre i te tika rānei.

Hei tā Gordon Toi, “Because at the moment, there is none. They can kind of do what they want to, and we have to sort of accept it.”

Nō te rā nei tuku tono atu ai a Te Kāea ki Te Manatū Taongamō tēnei take. Kia rongo hoki e ahu pēhea ana te noho a te manatū mō ēnei āhuatanga i Aotearoa.

Ki tā Toi, “I know we're not the only ones that we've had this done to. I've had it done to myself, and a lot of our friends in the tattooing community have had their images deleted for no reason.”

E whā ngā wā i mukua ngā pōhi Pukamata a Katene i ngā haora rua tekau mā whā kua horī, he whakatūpatoranga ki te iwi taketake nui tonu te hua.

E ai ki a Katene, “Keep liking, sharing, and keep our art form alive really.”

Kei te tatari tonu i ngā whakatau a Te Manatū Taonga, pēnā rānei ka pūrua anō te moko ture whakahaere o pae papori whānui.

Tuaritia: