Ngā kaupapa: Domestic Violence, Entertainment

Me aukati a Aotearoa i a Chris Brown te kii a Kelvin Davis

E ai ki te kaitorangapū a Kelvin Davis, me aukati a Aotearoa i te kaiwaiata rongonui nō Amerika, a Chris Brown.

Hei tā Kelvin Davis, “Ahakoa te rongonui o te tangata mehemea koia he tangata patu wāhine, me noho ki te kāinga.”

I te tau rua mano mā iwa, i whakawhiu a Brown mo ngā mahi tūkino ki tona hoa rangatira o te wā, ara ki te kaiwaiata a Rihanna.  He rima tau te poropeihana i whiu ki a ia.

I ngā marama e wha ki muri, i hikoi te kaitōrangapu a Kelvin Davis mai i Tamaki Makaurau ki te Reinga ki te whakahē i te tukino wāhine.  E ai ki a ia, mehemea ka puta a Brown i konei, he hikoi whakamua mō tātou.

Hei tā Davis, “Kahore a Chris Brown te tūmomo tangata, tūmomo tauira hei haere ki te matakitaki i a ia.  Haere ki konohete kē kia kite i ngā tangata kahore patu wāhine.

Ko tā Immigration NZ kīhai rātou i whakawhiwhi i tetahi pane uruwhenua ki te kaiwaiata, ā, i te whakapuakitanga ake o Ahitereiria kāore ratou i te hiahia ki a ia, kua hē kē atu ngā rā mō Brown.

Hei tā Davis, “Kaua e haramai ki Aotearoa ehara tēnā i te tauira tika mō ngā rangatahi Māori.”